სროლა საოკუპაციო ზოლთან

9-03-2020

სროლა ენგურის ხიდზე - გავრცელებული ინფორმაციით, აფხაზეთიდან კონტრაბანდისტული სიგარეტის შემომტანმა დაჯგუფებამ, საოკუპაციო ზოლზე ფინანსური პოლიცია შენიშნა, და ჰაერში გაისროლა.

ამის შესახებ ინფორმაციას „მთავარი არხი“ ავრცელებს.

მათივე ცნობით, კონტრაბანდისტები შემთხვევის ადგილიდან მიიმალნენ და მათი დაკავება პოლიციამ ვერ მოახერხა.

„მთავარი არხის“ ინფორმაციით, კონტრაბანდისტული სიგარეტი აფხაზეთიდან ფეხით გადმოსასვლელებიდან შემოაქვთ და ზუგდიდში ყიდიან.

მდინარე ენგურის 184 კილომეტრიან საოკუპაციო ზოლს პოლიციის განსაკუთრებულ დავალებათა მეორე სამმართველოს თანამშრომლები აკონტროლებენ.