პრესის მიმოხილვა
გამოკითხვა
სამართლიანად ჩატარდა თუ არა არჩევნები
ოზურგეთში იტალიიდან ჩამოსულმა პირმა თვითიზოლაციის წესი დაარღვია
10-03-2020
ოზურგეთში, იტალიიდან ჩამოსულმა პირმა თვითიზოლაციის წესი დაარღვია. ამასთან დაკავშირებით საზოგადოებრივი ჯანდაცვის ცენტრში შეტყობინება შევიდა.
როგორც ცენტრში აცხადებენ, შუახნის ქალი კორპუსის ეზოში სეირნობდა. როგორც ქალმა განმარტა, ის გვიან ღამით გამოვიდა სასეირნოდ და საზოგადოებრივი თავშეყრის ადგილებში არ ყოფილა.
ადგილზე დაავადებათა კონტროლის ეროვნული ცენტრის გურიის განყოფილება, საზოგადოებრივი ჯანდაცვის ცენტრი და სამართალდამცავები იყო მობილიზებული.
ქალი იტალიიდან 4 მარტს ჩამოვიდა. ჯერჯერობით მას დაავადების სიმპტომატიკა არ აღენიშნება. დაავადებათა კონტროლის ეროვნული ცენტრის გურიის განყოფილების ინფორმაციით, ქალს, სავარაუდოდ, კარანტინში გადაიყვანენ.
