სამართლიანად ჩატარდა თუ არა არჩევნები
ვეტერანების საქმეთა სახელმწიფო სამსახური გუგეშაშვილის ოჯახზე თავდასხმის გამო მწუხარებას გამოთქვამს
8-02-2018
ვეტერანების საქმეთა სახელმწიფო სამსახური შეიარაღებული ძალების თადარიგის პოლკოვნიკ დოდო გუგეშაშვილის ოჯახზე თავდასხმის გამო მწუხარებას გამოთქვამს.
„ვეტერანების საქმეთა სახელმწიფო სამსახური ღრმა მწუხარებას გამოხატავს აფხაზეთის ომის ვეტერანის, თადარიგის პოლკოვნიკის დოდო გუგეშაშვილის ოჯახზე თავდასხმის გამო.
დოდო გუგეშაშვილს და მის შვილს საკუთარ საცხოვრებელ სახლში თავს დაესხნენ. ცეცხლსასროლი იარაღიდან მიყენებული ჭრილობების შედეგად ნოდარ გუგეშაშვილი გარდაიცვალა. თავად დოდო გუგეშაშვილი კი სამედიცინო დაწესებულებაშია გადაყვანილი. მას უკვე ჩაუტარდა სასწრაფო ოპერაცია. ექიმის განცხადებით, მისი მდგომარეობა სტაბილურად მძიმეა.
ნოდარ გუგეშაშვილი 2015-2016 წლებში გახლდათ ვეტერანების საქმეთა სახელმწიფო სამსახურის საზოგადოებასთან ურთიერთობის განყოფილების თანამშრომელი"-ნათქვამია განცხადებაში.
