სამართლიანად ჩატარდა თუ არა არჩევნები
მარნეულში კორონავირუსით ინფიცირებული ქალის მდგომარეობა კრიტიკულად მძიმეა
23-03-2020
მარნეულში კორონავირუსით ინფიცირებული ქალის მდგომარეობა კრიტიკულად მძიმე რჩება - ის ამჟამად თბილისში, პირველ საუნივერსიტეტო კლინიკაში იმყოფება. კლინიკის ხელმძღვანელს არსებული ურთულესი მდგომარეობიდან გამომდინარე დადებითი პროგნოზების გაკეთება უჭირს.
"კლინიკაში არის 6 ინფიცირებული პაციენტი. მოგახსენებთ, რომ ეს პაციენტი არის კრიტიკული, სიცოცხლესთან შეუთავსებელი მდგომარეობით. პაციენტს დაახლოებით 2 კვირის უკან აღენიშნებოდა სუნთქვის გაძნელება, ცხელება. ამის გამო დაგვიანებით მიმართა კლინიკას 18 რიცხვში, სადაც დადასტურდა ორმხრივი მწვავე პნევმონია. დინამიკაში სუნთქვის უკმარისობა პროგრესირდა, ამიტომ გადაყვანილ იქნა პაციენტი მართვით სუნთქვაზე.
რაც შეეხება ამ ეტაპისთვის პაციენტის მდგომარეობა კიდევ ერთხელ ვიმეორებ, რომ არის კრიტიკული," - განაცხადა თსსუ-ს პირველი საუნივერსიტეტო კლინიკის გენერალურმა დირექტორმა ლევან რატიანმა.
პარალელურად, ეპიდემიოლოგები იმ კონტაქტების დადგენას ცდილობენ, ვისთანაც პაციენტს ბოლო დღეებში შეხება ჰქონდა. წინასწარი ინფორმაციით, 86 კონტაქტი უკვე იდენტიფიცირებულია, თუმცა ძებნა გრძელდება.
სულ პირველ საუნივერსიტეტო კლინიკაში COVID-19-ით ინფიცირებული 6 პირია მოთავსებული.
