სამართლიანად ჩატარდა თუ არა არჩევნები
რეგულარული საჰაერო მიმოსვლებზე დაწესებული შეზღუდვა 10 მაისამდე გახანგრძლივდა
16-04-2020
რეგულარული საჰაერო მიმოსვლის განხორციელებაზე დაწესებული შეზღუდვა გახანგრძლივდა და ამ ეტაპზე 2020 წლის 10 მაისის ჩათვლით (10.05.20) მოქმედებს. როგორც სამოქალაქო ავიაციის სააგენტოში აცხადებენ, აღნიშნულის შესახებ მათ უკვე აცნობეს ავიაკომპანიებს, რომლებიც რეგულარულ რეისებს ახორციელებდნენ საქართველოს მიმართულებით.
"რეგულარული საჰაერო მიმოსვლის აღდგენის შესახებ გადაწყვეტილება მიღებული იქნება მსოფლიოში და საქართველოში შექმნილი ეპიდსიტუაციიდან გამომდინარე, ჯანდაცვის უწყებების რეკომენდაციების გათვალისწინებით. შექმნილი ვითარებიდან გამომდინარე, მოქალაქეებს მოვუწოდებთ, თავი შეიკავონ ამა თუ იმ მიმართულებით ბილეთების შეძენისაგან, სანამ რეგულარული საჰაერო მიმოსვლის აღდგენის თარიღის შესახებ ცნობილი არ გახდება ოფიციალური წყაროების მეშვეობით"-აცხადებენ სააგენტოში.
