პაატა იმნაძე: პიკში ვართ და ჩვენი ამოცანაა, ეს პიკი, პლატოზე რაც შეიძლება მეტი ხანი დავიჭიროთ

26-04-2020

დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის განცხადებით, საქართველოში უკვე კორონავირუსის გავრცელების პიკური პერიოდია. მისივე თქმით, მთავარი ამოცანაა, პიკი რაც შეიძლება მდორე იყოს.
„ამას საკმაო ხანია, ვამბობდით, რომ აპრილის ბოლო კვირა, მაისის დასაწყისი, ყველა გათვლებით, უნდა ყოფილიყო ქვეყანაში ავადობის პიკი. ძალიან დიდი ბოდიში იმასთან, თუ ვინმეს იმედები გავუცრუეთ და ეს პიკი არ არის ათასობით, არამედ არის ათეულობით შემთხვევა. დიახ, ჩვენ ახლა წესით, პიკში ვართ და ჩვენი ამოცანაა, ეს პიკი, რაც შეიძლება მეტი ხანი დავიჭიროთ პლატოზე და, როგორც ერთმა ჩემმა კოლეგამ კარგად თქვა, ეს არ იყოს ჯომოლუნგმა, იყოს პატარა გორაკი“, – განაცხადა იმნაძემ.