პროფკავშირები იმერეთის სამ მუნიციპალიტეტში საქველმოქმედო ღონისძიებებს გამართავს

4-05-2020

საქართველოს პროფესიული კავშირების გაერთიანება, შპს ,,საქნახშირთან“ და შპს ,,ჯორჯიან მანგანეზთან“ ერთად ახალი კორონავირუსის ეპიდემიასთან დაკავშირებით გამოცხადებული საგანგებო რეჟიმის ფარგლებში დაგეგმილი აქტივობების განხორციელებას განაგრძობს.

2020 წლის 4 მაისს, საქართველოს პროფესიული კავშირების გაერთიანების თავმჯდომარე ირაკლი პეტრიაშვილი და წევრი დარგობრივი და პირველადი პროფკავშირული ორგანიზაციების წარმომადგენლები ეწვევიან ტყიბულს, ზესტაფონსა და ჭიათურას.

აქტივობის ფარგლებში პირველადი საჭიროების სასურსათო პროდუქტების პაკეტები გადაეცემა 300-ზე მეტ ოჯახს, რომლებიც სოციალურად გაჭირვებულთა და მრავალშვილიანთა კატეგორიას განეკუთვნებიან.

ზემოთაღნიშნული აქტივობა ერთობლივი რესურსებით დაიგეგმა შპს ,,საქნახშირის“ და შპს ,,ჯორჯიან მანგანეზი“-ს ადმინისტრაციის წარმომადგენლებთან ერთად და სავარაუდოდ საქველმოქმედო ღონისძიებაში ამ კომპანიის ხელმძღანელებიც მიიღებენ მონაწილეობას.
ღონისძიებათა გრაფიკი:

4 მაისი 2020 წ.

ტყიბული (11:00 – 13:00)
ზესტაფონი (14:00 – 16:00)
ჭიათურა (18:00 – 20:00)