ხარაგაულის მუნიციპალიტეტის სოფლებში, ხუნევსა და ვერტყვიჭალაში უხვმა ნალექმა პრობლემები შექმნა. მდინარე ძირულა კალაპოტიდან გადმოვიდა და გზა დატბორა.

ასევე, წყალმა დააზიანა ადგილობრივი მცხოვრების სახნავ-სათესი მიწა და ნათესები განადგურდა. მიყენებულ ზარალს ჩინური კომპანია "უჰანი" აანაზღაურებს, რომელიც ამ ტერიტორიაზე ხიდებსა და გზებს აშენებს.

ვერტყვიჭალაში კომპანიამ გაწმენდითი სამუშაოები უკვე დაასრულა. სპეციალური ტექნიკა ახლა მუშაობს ხუნევში, სადაც მილებმა წყალი ვერ გაატარა და არხები იწმინდება.

მუნიციპალიტეტის მერის, ნიკოლოზ თოფურიძის ინფორმაციით, სოფლის შიდა გზა დაახლოებით ორი საათის განმავლობაში იყო ჩაკეტილი, თუმცა გზა უკვე გაიხსნა და მოძრაობა აღდგენილია.