ირაკლი ბერაია: ანდრიუს კუბილიუსის წერილი ჩვენს მიერ აღქმულია როგორც პირდაპირი მოწოდება, რომ ხელისუფლების მხრიდან მოხდეს ჩარევა მართლმსაჯულების სისტემაში, რაც ჩვენთვის მიუღებელია

8-05-2020

„ანდრიუს კუბილიუსის მიერ მის წერილში კონკრეტულ სისხლის სამართლის საქმეებზე საუბარი ჩვენს მიერ აღქმულია როგორც პირდაპირი მოწოდება, რომ ხელისუფლების და მმართველი პარტიის მხრიდან მოხდეს ჩარევა მართლმსაჯულების სისტემაში, რაც ჩვენთვის არის გაუგებარი, მიუღებელი და ეწინააღმდეგება სამართლებრივი სახელმწიფოსა და კანონის უზენაესობის პრინციპებს“, - ასე გამოეხმაურა პარლამენტის საგარეო ურთიერთობათა კომიტეტის თავმჯდომარე ირაკლი ბერაია ევროპარლამენტის წევრის, ანდრიუს კუბილიუსის ღია წერილს, რომლითაც მან საქართველოს პრეზიდენტს, საქართველოს პრემიერ-მინისტრს და პარლამენტის თავმჯდომარეს მიმართა.