პრესის მიმოხილვა
გამოკითხვა
სამართლიანად ჩატარდა თუ არა არჩევნები
დახურულ და ღია სივრცეში სამზე მეტი პირის შეკრებაზე შეზღუდვა იხსნება, თუმცა ეს შეზღუვა ავტროტრანსპორტით გადაადგილების დროს ძალაში რჩება
14-05-2020
პრემიერ-მინისტრის გიორგი გახარიას განცხადებით, სამი ადამინის შეკრების თვალსაზრისით შეზღუდვა მოიხსნება. მისივე თქმით, ავტროტრანსპორტო საშუალებებით გადაადგილების დროს ეს შეზღუდვა ძალაში რჩება.
ამის შესახებ გახარიამ მთავრობის სხდომაზე განაცხადა.
"მოიხსნას შეზღუდვა 3 ადამიანზე შეკრების თვალსაზრისით, როგორც დახურულ, ისე ღია სივრცეებში, თუმცა ეს არ ნიშნავს, რომ მოიხსნება შეზღუდვა 3 ადამიანის გადაადგილებაზე ავტოსატრანსპორტო საშუალებით. ამ შეზღუდვას, მიუხედავად ყველაფრისა, აქვს ძალზედ მნიშვნელოვანი ეპიდემიოლოგიური აზრი, რაზეც ჩვენ ექიმები გვარწმუნებენ და ჩვენ მათი გვჯერა. მოგეხსენებათ, რომ პროფესიონალების რეკომენდაციები ჩვენთვის ამ ნაწილში, განსაკუთრებით ეპიდემიასთან ბრძოლაში კრიტიკულად მნიშვნელოვანია"-განაცხადა გახარიამ.
