სამართლიანად ჩატარდა თუ არა არჩევნები
არჩილ თალაკვაძე: დავიწყეთ მუშაობა საპარლამენტო არჩევნების დროს კოვიდუსაფრთხოების წესებთან დაკავშირებით
18-06-2020
პარლამენტის თავმჯდომარე არჩილ თალაკვაძე დიპლომატიური კორპუსის წევრებს შეხვდა. შეხვედრას საპარლამენტო უმრავლესობის წევრები და დაავადებათა კონტროლის ეროვნული ცენტრის ხელმძღვანელი ამირან გამყრელიძე ესწრებოდა. შეხვედრაზე საპარლამენტო არჩევნების დროს კორონავირუსთან დაკავშირებული უსაფრთხოების საკითხები განიხილეს.
„დავიწყეთ მუშაობა საპარლამენტო არჩევნების დროს კოვიდუსაფრთხოების წესებთან დაკავშირებით. გვაქვს გარკვეული ხედვა. დიპლომატიური კორპუსის წარმომადგენლებს გავუზიარეთ ჩვენი ხედვა და ამ საკითხზე. ვგეგმავთ კონსულტაციები ასევე გავმართოთ პოლიტიკურ პარტიებთან და მივიღოთ ისეთი გადაწყვეტილება, რომელიც დაიცავს ჩვენს მოქალაქეების კოვიდინფექციისგან და ასევე, უზრუნველყოფს მათი საარჩევნო უფლებების სრულ რეალიზებას“, - განაცხადა არჩილ თალაკვაძემ.
შეხვედრას შეერთებული შტატების, გერმანიის, ევროკავშირისა და ევროსაბჭოს ელჩები დაესწრნენ.
