პრესის მიმოხილვა
გამოკითხვა
სამართლიანად ჩატარდა თუ არა არჩევნები
კიევში მარიხუანას სამედიცინო მიზნით გამოყენების ლეგალიზებას ითხოვენ
27-06-2020
დღეს, უკრაინის დედაქალაქში მარიხუანას სამედიცინო მიზნით გამოყენების ლეგალიზაციის მოთხოვნით, პრეზიდენტ ვოლოდიმირ ზელენსკის ოფისთან საპროტესტო აქცია გაიმართა. ამის შესახებ უკრაინული მედია წერს.
აქციაში დაახლოებით 100 ადამიანი მონაწილეობდა. ისინი ხელისუფლებას და უმაღლესი რადას დეპუტატებს სთხოვენ, რომ პაციენტებისთვის კანაბისის შემცველი პრეპარატები ხელმისაწვდომი გახდეს.
მანამდე ანალოგიური მოთხოვნით უკრაინაში ჯანდაცვის მინისტრის მოვალეობის შემსრულებელი ულიანა სუპრუნი გამოვიდა. მისი თქმით კანაბისი პაციენტების მდგომარეობას ამსუბუქებს რიგი მძიმე დაავადებების დროს. „კანაბისის სამედიცინო მიზნით გამოყენება მსოფლიო პრაქტიკაში მიღებულია“, - აცხადებს ულიანა სუპრუნი.
