ბორჯომის მერიის თანამშრომლები გაფიცვასა და აქციების გამართვას გეგმავენ

1-03-2018

ბორჯომის მერიის თანამშრომლები გაფიცვასა და ფართომასშტაბიან აქციებს აანონსებენ. 
მათ ბორჯომის საკრებულოს შენობის პიკეტირება მოახდინეს და თავმჯდომარეს, ზაზა ჩაჩანიძეს კაბინეტიდან გასვლის უფლებას არ აძლევდნენ. 
მერიის თანამშრომლები ჩაჩანიძისგან ხელფასების მომატების შესახებ სხდომის ოქმზე ხელმოწერას და შემდეგ თანამდებობიდან მის გადადგომას ითხოვენ.
შეგახსენებთ, რომ ბორჯომის მუნიციპალიტეტის საკრებულოში სიტყვიერი და ფიზიკური დაპირისპირება მას შემდეგ დაიწყო, რაც უმრავლესობაში მყოფმა ოპოზიციამ მერიის თანამშრომლებისთვის ხელფასების გაზრდის შესახებ საკითხი ჩააგდო.