სამართლიანად ჩატარდა თუ არა არჩევნები
ქუთაისში ინფიცირებული 61 წლის ქალის კონტაქტებიდან კორონავირუსი არც ერთს დაუდასტურდა
24-07-2020
ქუთაისში ინფიცირებული 61 წლის ქალის კონტაქტებიდან კორონავირუსი არც ერთს დაუდასტურდა. ლუგარის ლაბორატორიაში მისი ოჯახის წევრების და იმ ბაზრობის მოვაჭრეების ნიმუშები იყო გადაგზავნილი, სადაც ინფიცირებული მუშაობდა. სულ საუბარია 29 კონტაქტზე.
დაავადებათა კონტოლის იმერეთის სამმართველოს უფროსის გოჩა გიორგიძის ინფორმაციით, ქუთაისის ლაბორატორიაში გასული 24 საათის განმავლობაში სპეციალისტებმა 1011 ბიოლოგიური ნიმუში გამოიკვლიეს და ყველა პასუხი უარყოფითია.
ეპიდემიოლოგებმა ქუთაისში ე.წ კეჩის ბაზრობის თანამშრომლები გამოიკვლიეს. 61 წლის ქალი, რომელსაც კორონავირუსი გუშინ დაუდგინდა, სწორედ ამ ბაზრობაზე იყო დასაქმებული. ამ დროისთვის ბაზრობაზე იდენტიფიცირებულია მისი 25 კონტაქტი.
ამ დროისთვის საქართველოში კორონავირუსით ინფიცირების 1085 შემთხვევაა აღრიცხული, მათ შორის განკურნებულია 911. ვირუსმა სულ 16 ადამიანი იმსხვერპლა. ბოლო პერიოდში, კორონავირუსით ინფიცირებულთა რაოდენობამ, განკურნებულებისას გადააჭარბა, რასაც ბოლო მონაცემებიც ადასტურებს.
23 ივლისს კორონავირუსი 12 ადამიანს დაუდგინდა, მათგან ხუთი შემთხვევა, ინფიცირებულთან კონტაქტია, ორი - გაჩიანის კლასტერიდან, ორი - იმპორტირებული, სამი პაციენტის შემთხვევაში კი, ინფიცირების წყარო ვერ დადგინდა.
