პრესის მიმოხილვა
გამოკითხვა
სამართლიანად ჩატარდა თუ არა არჩევნები
აჭარაში, კორონავირუსი კიდევ ერთ ადამიანს დაუდგინდა
27-07-2020
„კოვიდ-19“-ით ინფიცირებული რესპუბლიკური საავადმყოფოს კლინიკური დირექტორის თქმით, მათთან საკარანტინე სივრციდან გადმოიყვანეს. კაცს, რომელსაც კორონავირუსი დაუდგინდა, იზოლაციის ვადა ეწურებოდა და საკონტროლო ტესტირება ჩაუტარდა, რა დროს კვლევამ დადებითი პასუხი აჩვენა.
შემთხვევა იმპორტირებულია. ინფიცირებული პირი თურქეთიდან დაბრუნდა.
დღეს დადასტურებული შემთხვევის ჩათვლით ბათუმის რესპუბლიკურ საავადმყოფოში 15 ინფიცირებული მკურნალობს. აჭარის ჯანდაცვის სამინისტროს ინფორმაციით პაციენტებში ვირუსის მკურნალობის პროცესი, სტაბილურად, უსიმპტომოდ მიმდინარეობს გარდა ერთი შემთხვევისა. სამინისტროს ცნობით, ერთ პაციენტს აღენიშნება მწვავე პნევმონია.
