სამართლიანად ჩატარდა თუ არა არჩევნები
| « ოქტომბერი 2026 » | ||||||
|---|---|---|---|---|---|---|
| ო | ს | ო | ხ | პ | შ | კ |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
აჭარაში, პეტრას ციხეზე არქეოლოგიური სამუშაოები განახლდა
1-08-2020
აჭარის კულტურული მემკვიდრეობის დაცვის სააგენტოს დაფინანსებით პეტრას ციხეზე არქეოლოგიური ექსპედიცია განახლდა. სამუშაოები ციხის ტერიტორიაზე ორ უბანზე მიმდინარეობს - ციხის ჩრდილოეთ და დასავლეთ მონაკვეთში.
ბოლო წლებში სააგენტოს დაფინანსებით წარმოებული არქეოლოგიური სამუშაოების დროს, ციხის ტერიტორიაზე აღმოჩენილი იქნა ახალი წელთაღრიცხვის VI საუკუნით დათარიღებული მდიდარი არქეოლოგიური მასალა: რკინის საბრძოლო ცულები, სატევრები, შუბისპირები, ისრისპირები, მუზარადი, ჯაჭვის პერანგისა და ფარის ნაშთები, მრავალრიცხოვანი კერამიკული ნაწარმი და 95 ვერცხლის მონეტა.
არქეოლოგიური შესწავლის პარალელურად, სააგენტო ციხე-ქალაქის სარეაბილიტაციო სამუშაოებსაც ახორციელებს. გასულ წლებში რეაბილიტაცია ჩაუტარდა პეტრას ციხის სამხრეთ-დასავლეთ, აღმოსავლეთ კედლებს და დერეფნის უბანს.
2018 წელს დასრულდა პეტრას ინფრასტრუქტურით მოწყობის პროექტის პირველი ეტაპის სამუშაოები, ხოლო 2019 წელს ტენდერი გამოცხადდა სამუშაოების სრულად განხორციელებაზე. რაც ითვალისწინებს: ციხის ტერიტორიაზე ადაპტირებული ბილიკების, ვიზიტორთა ცენტრის, საექსპოზიციო ნაგებობებისა და ავტოსადგომის მოწყობას. სამუშაოები, რომლის ბიუჯეტი 2,220,000 ლარია, ამ ეტაპზეც მიმდინარეობს და 2020 წლის დეკემბრამდე გაგრძელდება.
