სამართლიანად ჩატარდა თუ არა არჩევნები
ტატუნაშვილის ცხედარს ქართულ მხარეს რუსეთის საპრეზიდენტო არჩევნების შემდეგ გადასცემენ - თემურ ცხურბატი
14-03-2018
ჟურნალისტი თემურ ცხურბატი აცხადებს, რომ არჩილ ტატუნაშილის ცხედარი მის ოჯახს შესაძლოა, რუსეთის საპრეზიდენტო არჩევნების, 18 მარტის შემდეგ გადმოსცენ.
„დანამდვილებით ვერაფერს ვიტყვი, მაგრამ სავარაუდოდ, ტატუნაშვილის ცხედარი ცხინვალის მორგშია. სავარაუდოდ, მას 18 მარტის შემდეგ დააბრუნებენ, რუსეთის საპრეზიდენტო არჩევნების შემდეგ. ვფიქრობ, ყველაფერი ამაზეა დამოკიდებული“ - აცხადებს ჟურნალისტი.
შეგახსენებთ, არჩილ ტატუნაშვილი 22 თებერვალს, დილით ახალგორიდან გაიტაცეს, 23 თებერვალს, გამთენიისას კი, დეფაქტო ცხინვალის ინფორმაციით, ის გულის შეტევით გარდაიცვალა. საოკუპაციო რეჟიმის განცხადებით დაკავებულმა ტატუნაშვილმა სინასწარი დაკავების იზოლატორში გადაყვანისას თანმხლებ სამართალდამცავებს წინააღმდეგობა გაუწია და იარაღის წართმევა სცადა, რის გამოც მის წინააღმდეგ გამოყენებული იქნა ფიზიკური ძალა და სპეციალური საშუალებები, რის გამოც ტატუნაშვილმა წონასწორობა დაკარგა და კიბეზე დაეცა, მიღებული დაზიანებების გამო ის ცხინვალის საავადმყოფოში გადაიყვანეს სადაც გულის პრობლემების გამო გარდაიცვალა.
