სამართლიანად ჩატარდა თუ არა არჩევნები
არჩილ თალაკვაძე: გარწმუნებთ, ოპოზიცია საბოლოო ჯამში პარლამენტში დაბრუნდება
25-02-2021
საქართველოს პარლამენტის თავჯდომარის არჩილ თალაკვაძის განცხადებით ოპოზიციას მოუწევს დაბრუნდეს პარლამენტში, რადგან მისი თქმით პარლამენტის გარეშე შემდეგი პროცესების უზრუნველყოფა წარმოუდგენელია.
„მოლაპარეკებები ჩვენ არ შეგვიწყვეტია. ჩვენ გვაქვს სრული მზადყოფნა და ამ სამი თვის განმავლობაში ყოველთვის გვქონდა მზადყოფნა, რომ სამართლიანი მოლაპარაკებები და სამართლიანი შეთანხმება ყოფილიყო, ამიტომ შეთანხმება და მოლაპარაკება შესაძლებელია მხოლოდ სამართლიან პირობებზე.
ახლა ქვეყანას სჭირდება გაძლიერება და არა დესტაბილიზაცია და დაპირისპირება, ამიტომ ოპოზიციას კიდევ ერთხელ ვურჩევ, რომ შეწყვიტოს სახელმწიფოს გამოცდა და დაუბრუნდეს ნორმალურ პოლიტიკურ პროცესს პარლამენტში. ნებისმიერ შემთხვევაში მე გარწმუნებთ, რომ ოპოზიცია საბოლოო ჯამში პარლამენტში დაბრუნდება, ვინაიდან პარლამენტის გარეშე მე წარმოუდგენლად მიმაჩნია შემდეგი პროცესის უზრუნველყოფა“ - განაცხადა არჩილ თალაკვაძემ.
