ბოლნისის გამწვანების სამსახურმა ხეების წამლობა დაიწყო

14-07-2021

ბოლნისის მუნიციპალიტეტის გამწვანების სამსახური ვერცხლისფერი ნაძვების შეწამვლის სამუშაოებს ატარებს.

უწყების ინფორმაციით, სამსახურის თანამშრომლებმა, ქალაქ ბოლნისში კოსტავას ქუჩაზე, ხმობის წინააღმდეგ ვერცხლისფერი ნაძვები შეწამლეს.

უწყების ცნობითვე, წამლობის სამუშაოები გრძელდება და ღონისძიების ფარგლებში ქალაქში დეკორატიული ბუჩქებიც შეიწამლება .

ასევე, გამწვანების სამსახური, ხე-მცენარეების მორწყვას ყოველდღიურ რეჟიმში განაგრძნობს.