სამართლიანად ჩატარდა თუ არა არჩევნები
ბათუმის პორტში მოშიმშილეებიდან ორი საავადმყოფოში გადაიყვანეს
5-04-2018
ბათუმის პორტში მოშიმშილეებიდან ორი საავადმყოფოში გადაიყვანეს. ისინი შეუძლოდ ერთი საათის წინ გახდნენ. სასწრაფო დახმარების ბრიგადის მედიკოსების განცხადებით, მათ აქვთ მაღალი არტერიული წნევა და გულის შეტევის ნიშნები. პაციენტები ბათუმის საერათაშორისო საუნივერსიტეტო კლინიკაში მოათავსეს.
პორტის მმართველი კომპანიის წარმომადგენლები, რომლებიც ბათუმში დღეს ჩავიდნენ, მოშიმშილეებს შეხვდებიან. პორტში უკვე მივიდა აჭარის ჯანდაცვის მინისტრი ზაალ მიქელაძე, რომლის მოლაპარაკების პროცესში ჩართვაც მოშიმშილეებმა მოითხოვეს.
ბათუმის პორტში დასაქმებული 6 ადამიანი დირექტორის გადადგომის მოთხოვნით უკვე მეოთხე დღეა შიმშილობს. გუშინ რამდენიმე საათიანი მოლაპარაკებების შემდეგ სხვა გაფიცულები სამუშაო ადგილებს დაუბრუნდნენ.
ბათუმში, პორტის თანამშრომლები 4 დღის წინ გაიფიცნენ.
