შიდა ქართლის საინფორმაციო ცენტრის ცნობით, თანამშრომლებმა დილით აღმოაჩინეს, რომ რამდენიმე ტელეფონი ადგილზე აღარ იდო. „დილით ჩვეულებრივ 9 საათზე მოვედით, დავიწყეთ მუშაობა და აღმოჩნდა, რომ დახლზე ტელეფონები აკლია“, - ციტირებს Qartli.ge თანამშრომლების კომენტარს.
შინაგან საქმეთა სამინისტროს ინფორმაციით, მომხდართან დაკავშირებით ამ დრომდე არავინ დაუკავებიათ. გამოძიება სისხლის სამართლის კოდექსის 177-ე მუხლის მეორე ნაწილის „ა“ და „ბ“ ქვეპუნქტებით დაიწყო, რაც გულისხმობს ქურდობას, რომელიც სადგომში ან სხვა საცავში უკანონო შეღწევით ჩაიდინეს და რამაც მნიშვნელოვანი ზიანი გამოიწვია. დანაშაული ისჯება შინაპატიმრობით ან თავისუფლების აღკვეთით ვადით სამიდან ხუთ წლამდე.
