გიორგი ნემსაძემ აფხაზეთში დაღუპულებს პატივი მიაგო

28-09-2021

ცაგერის მერობის კანდიდატმა ,,ქართული ოცნებიდან“ გიორგი ნემსაძემ, რაჭა-ლეჩხუმ-სვანეთის მაჟორიტარ დეპუტატთან, გოჩა ენუქიძესთან და სამხარეო რწმუნებულთან, პაპუნ მარგველიძესთან ერთად სოფელ ჩხუტელში ყვავილებით შეამკო თავისუფლებისათვის შეწირულ გმირთა მემორიალი.

,,ქედს ვიხრი აფხაზეთის ომში, საქართველოს ტერიტორიული მთლიანობისთვის მებრძოლი გმირების წინაშე.

მათ მიერ დაღვრილი სისხლი უკვალოდ არ ჩაივლის და მჯერა, ქართველ და აფხაზ ხალხს შორის არსებული ისტორიული მეგობრობა მშვიდობიანად აღდგება და გაგრძელდება.

ვუსურვებ თითოეულ ქართველს გამთლიანებულ საქართველოში ცხოვრებას“-განაცხადა გიორგი ნემსაძემ.