რუსთავში საპარკინგე ადგილები მოეწყობა

3-05-2018

რუსთავში, კოსტავას გამზირზე ავტომანქანებისთვის საპარკინგე ადგილების მოწყობა მიმდინარეობს.

საგზაო მონიშვნების დახაზვა დილიდან მიმდინარეობს. საპარკინგე ადგილი გზის დონეზე ეწყობა. პროცესს ინფრასტრუქტურის სამსახურის ხელმძღვანელი პირადად აკვირდებოდა. სამსახურის უფროსის ზურა ტაბაღუას განცხადებით, აღნიშნული სამუშაოები რუსთავში პირველად ტარდება, მისივე ინფორმაციით, სხვადასხვა კოლაციაზე საგზაო ნიშნებიც განთავსდება რაც მოძრაობას უფრო უსაფრთხოს გახდის. სამუშაოებს "რუსთავსერვის ცენტრი" აწარმოებს.

"ინფორუსთავი"