სამართლიანად ჩატარდა თუ არა არჩევნები
იმერეთის რეგიონის სკოლების მეთორმეტეკლასელებისათვის ღია კარის დღე გაიმართება
26-01-2022
მიმდინარე წლის 27 იანვარს შეფასებისა და გამოცდების ეროვნული ცენტრის თანამშრომლები 2022 წლის ერთიან ეროვნულ გამოცდებთან დაკავშირებით კიდევ ერთ ონლაინ საინფორმაციო შეხვედრას გამართავენ. შეხვედრა ამჯერად ჭიათურის, წყალტუბოს, ტყიბულის, ბაღდათის, ვანის, ზესტაფონის, თერჯოლის, სამტრედიის, საჩხერის, ხარაგაულისა და ხონის სკოლების მეთორმეტეკლასელებისათვის შედგება.
აბიტურიენტთა ინფორმირებულობის მიზნით ღია კარის დღეები საქართველოს სხვადასხვა რეგიონის დამამთავრებელი კლასის მოსწავლეებისათვის ტარდება. მათთვის ინფორმაციის მიწოდებას ადგილობრივი რესურსცენტრის დახმარებით სკოლის ადმინისტრაცია უზრუნველყოფს.
შეფასებისა და გამოცდების ეროვნული ცენტრი სთხოვს აბიტურიენტებს, გამოიყენონ ეს შესაძლებლობა, დაესწრონ შეხვედრებს და მიიღონ დეტალური ინფორმაცია გამოცდებისათვის რეგისტრაციისა და სხვა მნიშვნელოვანი პროცედურული საკითხების შესახებ.
ცენტრის საგნობრივი ჯგუფების წარმომადგენლებისგან აბიტურიენტები ასევე მიიღებენ მნიშვნელოვან რჩევებს, რომლებიც უნდა გაითვალისწინონ როგორც გამოცდებისათვის მომზადების პროცესში, ასევე თავად გამოცდებზე.
ონლაინ ღია კარის დღე უკვე შედგა ქუთაისში, ასევე გურიასა და სამეგრელო-ზემო სვანეთში მაცხოვრებელი აბიტურიენტებისათვის.
