8-05-2018
ჩოხატაურსა და თერჯოლაში ორ საჯარო სკოლას საქართველოს ტერიტორიული მთლიანობისთვის აფხაზეთში დაღუპული მეომრების სახელი ეწოდა. ჩოხატაურში, სოფელ ბასილეთის სკოლა გურამ უჯმაჯურიძის, თერჯოლის მუნიციპალიტეტის სოფელ გოგნის სკოლა კი კახაბერ ბრეგვაძის სახელობისა იქნება.
შესაბამისი ბრძანებები საქართველოს განათლებისა და მეცნიერების მინისტრმა 2018 წლის 3 მაისს გამოსცა.
კანონმდებლობის თანახმად, სამინისტროს მიერ სკოლების სახელდება შესაბამისი სკოლის სამეურვეო საბჭოს და მუნიციპალიტეტის საკრებულოს გადაწყვეტილებების საფუძველზე ხდება.
