სამართლიანად ჩატარდა თუ არა არჩევნები
ირაკლი ლაზარაშვილმა დემოკრატიული ჩართულობის ცენტრში შეხვედრა გამართა
18-02-2022
„დემოკრატიული ჩართულობის ცენტრების ქსელის“ ახალციხის წარმომადგენლობის ინიციატივით, ახალციხის მუნიციპალიტეტის მერი ირაკლი ლაზარაშვილი, მოადგილესთან რუბენ კარაპეტიანთან ერთად, ადგილობრივი არასამთავრობო ორგანიზაციების, მედიასაშუალებებისა და საზოგადოების წარმომადგენლებს შეხვდა.
მუნიციპალიტეტის ხელმძღვანელმა მიმდინარე და დაგეგმილ ინფრასტრუქტურულ პროექტებზე, ასევე მერიის სოციალური და ჯანმრთელობის დაცვის პროგრამებზე დეტალურად ისაუბრა.
აქცენტი გაკეთდა საგზაო ინფრასტრუქტურის, სასმელი წყლის სისტემების, მრავალბინიანი საცხოვრებელი სახლების ფასადებისა და სადარბაზოების სარეაბილიტაციო სამუშაოებზე, „სოფლის მხარდაჭერის პროგრამის“ ფარგლებში განსახორციელებელ და სხვა მასშტაბურ პროექტებზე.
შეხვედრა კითხვა-პასუხის რეჟიმში წარიმართა და მონაწილეებმა ადგილობრივი თვითმმართველობის წარმომადგენლებთან ერთად მუნიციპალიტეტის წინაშე არსებულ პრობლემებზე და მათი გადაჭრის გზებზე იმსჯელეს.
