სამართლიანად ჩატარდა თუ არა არჩევნები
მიკროავტობუსს, რომელიც გომბორის უღელტეხილზე ავარიაში მოყვა, სავალდებულო ტექდათვალიერება გავლილი არ ჰქონდა
12-06-2018
მიკროავტობუსს, რომელიც 9 ივნისს გომბორის უღელტეხილზე ავარიაში მოყვა, სავალდებულო ტექდათვალიერება გავლილი არ ჰქონდა - ამის შესახებ ეკონომიკის სამინისტროს სახმელეთო ტრანსპორტის სააგენტოს ხელმძღვანელმა მიხეილ ხმალაძემ განაცხადა.
მისი თქმით, მიკროავტობუსში სანომრე ნიშნით OO-540-ON დარღვეული იყო ტექნიკური რეგლამენტის მოთხოვნაც, რაც ტრანსპორტში მგზავრთა რაოდენობას განსაზღვრავს.
სახმელეთო ტრანსპორტის სამსახური მოსახლეობას მოუწოდებს მგზავრობამდე მძღოლს მოსთხოვონ დამადასტურებელი ცნობა ტექდათვალიერების გავლის შესახებ.
ცნობისთვის, 3 დღის წინ მომხდარ ავარიას 4 ადამიანი ემსხვერპლა, მათგან ერთი არასრულწლოვანი იყო, ისინი სასკოლო ექსკურსიაზე მიდიოდნენ.
მიკროავტობუსის მძღოლი დაკავებულია. გამოძიება 276-ე მუხლის მე-7 ნაწილით მიმდინარეობს, რაც 10 წლამდე პატიმრობას ითვალისწინებს.
