სამართლიანად ჩატარდა თუ არა არჩევნები
აჭარაში შესაძლოა რამდენიმე ახალი სამინისტრო შეიქმნას
13-06-2018
აჭარაში შესაძლოა რამდენიმე ახალი სამინისტრო შეიქმნას - ამის შესახებ "ნაციონალური მოძრაობა" საუბრობს. პარტიის წევრებმა მთავრობის სახლთან აქცია პერფომანსი გამართეს. ოპოზიცია დამატებითი სამინისტროს შექმნას, დამატებით ხარჯებს და ბიუროკრატიას უკავშირებს.
"ჩვენი ინფორმაციით იქმნება ტურიზმისა და ინფრასტრუქტურის სამინისტროები, ასევე საუბარია ეკომიგრანტების მიმართულებით კიდევ ერთი დამატებით სამინისტროს შექმნაზე. ეს არის ფაროსნების შემოსევა "ქართული ოცნების" მხრიდან სახელწიფო ბიუჯეტზე,"- განაცხადა რეზო ხარაზმა.
ნაციონალური მოძრაობის წევრებმა მთავრობის სახლთან ყავა და ბორჯომი დატოვეს.
ახალი სამინისტროს შექმნის უფლებას აჭარის მთავრობას კონსტიტუციის ახალი რედაქცია აძლევს. მთავრობას სამინისტროს შექმნის საკითხის შეთანხმება არა ცენტრალურ ხელისუფლებასთან, არამედ ინიციატივით, უმაღლეს საბჭოსთან მოუწევს.
