სამართლიანად ჩატარდა თუ არა არჩევნები
საგამოძიებო სამსახურში თურქეთის რესპუბლიკის დელეგაციის წევრებთან შეხვედრა გაიმართა
11-11-2022
საქართველოს ფინანსთა სამინისტროს საგამოძიებო სამსახურში დღეს, თურქეთის რესპუბლიკის ნარკოტიკებისა და ორგანიზებული დანაშაულის საერთაშორისო აკადემიის (TADOC) წარმომადგენლებთან შეხვედრა გაიმართა.
შეხვედრაზე, საგამოძიებო სამსახურის უფროსის მოადგილეებმა - ვახტანგ ფარესიშვილმა და ვაჟა ფანოზიშვილმა, სხვა ხელმძღვანელ პირებთან ერთად, თურქეთის რესპუბლიკის ნარკოტიკებისა და ორგანიზებული დანაშაულის საერთაშორისო აკადემიის ხელმძღვანელს - ერდემ ოზლერსა და თურქეთის რესპუბლიკის ეროვნული პოლიციის (TNP)-ის საგარეო ურთიერთობათა დეპარტამენტის საერთაშორისო პოლიციის მომზადების სამმართველოს უფროსს - ოზგან ონურს, საგამოძიებო სამსახურის საქმიანობისსპეციფიკა და სამსახურის კომპეტენციის სფეროს მიკუთვნებული სხვა მნიშვნელოვანი საკითხები გააცნეს.
შეხვედრაზე მხარეებმა სამომავლო თანამშრომლობის კონკრეტულ ასპექტებზე ისაუბრეს და განსაზღვრეს კოორდინაციის პრიორიტეტული მიმართულებები. თურქეთის რესპუბლიკის წარმომადგენლებმა მასპინძლებს, საერთაშორისო აკადემიის საქმიანობის შესახებ ინფორმაცია მიაწოდეს. აღნიშნეს, რომ აკადემია ახორციელებს არაერთ საგანმანათლებლო და სამართლებრივ პროექტს, და ამ უკანასკნელთა ფარგლებში მზაობა გამოთქვეს ხელი შეუწყონ საგამოძიებო სამსახურის თანამშრომელთა გადამზადებისა და კვალიფიკაციის ამაღლების პროცესს.
