მურმან დუმბაძე: პატარაძის წასვლას, მთელი გუნდის წასვლა მოჰყვება

4-07-2018

პარტია „ემსახურე საქართველოს“ დამფუძნებელი მურმან დუმბაძე აჭარის მთავრობის თავმჯდომარის, ზურაბ პატარაძის გადადგომას ეხმაურება. მისი თქმით, მას შემდეგ, რაც კვირიკაშვილი წავიდა, პატარაძის დღევანდელი გადაწყვეტილება მოსალოდნელი იყო.

 „როგორც კი კვირიკაშვილი შეცვალეს, მაშინვე ვთქვი, აჭარის მთავრობის თავმჯდომარეს, ზურაბ პატარაძეს, კვირიკაშვილთან პირდაპირი ბმა აქვს-მეთქი. საურთიერთობო ბმა და არავითარი პოლიტიკური ბმა.  ამიტომ, კვირიკაშვილის წასვლას მოჰყვებოდა პატარაძის წასვლა.  ხოლო პატარაძის წასვლას, მთელი გუნდის წასვლა მოჰყვება.  რუსული ჟარგონით რომ ვთქვათ, ეს არის პატარაძის „პადიეზდის მთავრობა“, ყველა მინისტრი ერთ სადარბაზოში ცხოვრობს. დეპუტატები და ასშ. -განაცხადა დუმბაძემ.