არცერთი წვეთი სინანული, ადამიანი არ იცვლება - ლევან ქარუმიძე სააკაშვილთან დაკავშირებით აშშ-ის იუსტიციის დეპარტამენტის გავრცელებულ ინფორმაციაზე

8-02-2023

საპარლამენტო უმრავლესობის წევრი ლევან ქარუმიძე აშშ-ის იუსტიციის დეპარტამენტის ვებგვერდზე ექსპრეზიდენტ მიხეილ სააკაშვილის მიერ დაქირავებული ლობისტური კომპანიის Akerman LLP-ის საქმიანობის შესახებ გამოქვეყნებულ ინფორმაციას ეხმაურება, რომლის თანახმად სააკაშვილის ოჯახმა ლობისტურ კომპანიას 917,177.44 აშშ დოლარი გადაუხადა.

„აშშ-ს საგარეო პოლიტიკის შეცვლის მცდელობაში დახარჯული 1 მილიონი დოლარი. დაახლოებით იგივე ოდენობა პიარული კამპანიით ყოფილი სამშობლოს დაშანტაჟებისთვის. არცერთი წვეთი სინანული. ადამიანი არ იცვლება“, - წერს ქარუმიძე.