ხვალ რომ საპრეზიდენტო არჩევნები იყოს გამოკითხულთა 12% მხარს „ქართული ოცნების“, ხოლო 10% ენმ-ის კანდიდატს დაუჭერდა

1-08-2018

ეროვნულ-დემოკრატიული ინსტიტუტის კვლევისას რესპოდენტებს კითხვა საპრეზიდენტო არჩევნებთან დაკავშირებითაც დაესვათ.

შეკითხვაზე, თუ ვის დაუჭერნდენ მხარს, საპრეზიდენტო არჩევნები ხვალ რომ იყოს, გამოკითხული მოსახლეობის უმრავლესობას (32%) პასუხი არ აქვს.

არც ერთი პარტიის კანდიდატს მხარს არ დაუჭერდა 15%.

„ქართული ოცნების“ კანდიდატს მხარდაჭერას უცხადებს 12%, ხოლო „ერთიანი ნაციონალური მოძრაობის“ კანდიდატს ხმას მისცემდა გამოკითხული მოსახლეობის 10%.

დანარჩენ კანდიდატებზე გამოკითხულთა ხმები ასე გადანაწილდა:

გიორგი მარგველაშვილი 6%;

დავით ბაქრაძე: 6%;

შალვა ნათელაშვილი 4%;

სხვა 7%.