პრესის მიმოხილვა
გამოკითხვა
სამართლიანად ჩატარდა თუ არა არჩევნები
ComCom-მა "აგრომედია" ეთერში პროდუქტის კანონდარღვევით განთავსებისთვის გააფრთხილა
15-06-2023
კომუნიკაციების კომისიამ "აგრომედია" ეთერში პროდუქტის კანონდარღვევით განთავსების გამო, წერილობით გააფრთხილა. 2023 წლის მაისში, ComCom-მა არხის სამაუწყებლო ბადეში განთავსებული პროგრამების მონიტორინგი ჩაატარა, რის შედეგადაც, გამოვლინდა პროდუქტის განთავსების წესის დარღვევები.
კერძოდ, ეთერში გასული სიუჟეტები შეიცავდა შეძენისკენ მოწოდებებს, ხაზგასმას პროდუქტის დადებით თვისებებსა და ხელმისაწვდომობაზე, ასევე, მაღაზიის ადგილმდებარეობის, სპეციალური შეთავაზებებისა და მომსახურების სერვისების შესახებ ინფორმაციას. ამასთან ერთად, ადგილი ჰქონდა პროდუქციის ლოგოს მრავალჯერად ჩვენებას.
ვინაიდან ტელეკომპანია "აგრომედიას" ბოლო ერთი წლის განმავლობაში პასუხისმგებლობის არც ერთი სახე არ დაკისრებია, კომუნიკაციების კომისიამ მაუწყებელი წერილობით გააფრთხილა.
