გურიის გუბერნატორმა თანამდებობა დატოვა

20-08-2018

პრემიერ-მინისტრის მიერ გუბერნატორების წარდგენამდე 1 საათით ადრე გურიის გუბერნატორმა, მერაბ ჭანუყვაძემ  თანამდებობა დატოვა. ამის შესახებ გუბერნატორმა საკუთარ „ფეისბუქის“ გვერდზე დაწერა.

"მივიღე გადაწყვეტილება დავტოვო თანამდებობა. ამ პერიოდის განმავლობაში მაქსიმალურად ვცდილობდი წარმომეჩინა ჩემთვის განსაკუთრებული მხარე.

ვტოვებ თანამდებობას, მაგრამ ვრჩები ჩემი ხალხისა და ჩემი ქვეყნის სამსახურში“, - განაცხადა  მერაბ ჭანუყვაძემ.

 შეგახსენებთ, მერაბ ჭანუყვაძე გურიის გუბერნატორის პოსტზე 2017 წლის 23 აგვისტოს დაინიშნა. მანამდე კი ის ოზურგეთის მუნიციპალიტეტის გამგებელი იყო.