სამართლიანად ჩატარდა თუ არა არჩევნები
დავით მათიკაშვილი : „ნაცმოძრაობას“ არჩევნებთან დაკავშირებული პროცესების სიების გაყალბებით წარმართვა არ გამოუვა
20-09-2018
საქართველოს პარლამენტის წევრის, დავით მათიკაშვილის განცხადებით,“ნაციონალური მოძრაობა“ არჩევნებთან დაკავშირებით პროცესების წარმართვას სიების გაყალბების გზით ცდილობს.
მისივე თქმით, სიების გაყალბება სისხლის სამართლის დანაშაულია და პარტიის წევრებს ამასთან დაკავშირებით დასმულ კითხვებზე პასუხების გაცემა მოუწევთ.
„სიების გაყალბება წარმოადგენს სისხლის სამართლის დანაშაულს. ეს არის იმდენად მნიშვნელოვანი საკითხი, რომ ცხადია დღეს, უწყებათაშორის კომისიაზე იგი ძალიან მკაცრად დადგება შესაბამისი ახსნა-განმარტების მოთხოვნით. „ნაციონალურ მოძრაობას“ მოუწევს პასუხი გასცეს არსებულ კითხვებს. ისინი ვერ ელევიან ჩვეულ მეთოდებს და ისევ ცდილობენ არჩევნებთან დაკავშირებით საკუთარი პროცესების წარმართვას სიების გაყალბებით. დღეს ეს მათ არ გაუვათ“ - განაცხადა დავით მათიკაშვილმა.
