სამართლიანად ჩატარდა თუ არა არჩევნები
ბათუმში სტომატოლოგიურ კლინიკას თაღლითობაში ადანაშაულებენ
11-10-2018
ბათუმში იუსტიციის სახლთან ერთ-ერთი კერძო სტომატოლოგიური კლინიკის მიერ დაზარალებული მოსახლეობა აქცია მართავს.
შეკრებილების განცხადებით, დაახლოებით ერთი წლის წინ ექიმმა დაარწმუნა, რომ საყოველთაო ჯანდაცვის პროგრამით უფასოდ მოემსახურებოდნენ, სინამდვილეში კი საბანკო კრედიტზე მოაწერინეს ხელი.
ქობულეთელებმა კრედიტის შესახებ მაშინ გაიგეს, როდესაც ბანკმა მათ პროცენტის გადახდა მოსთხოვა. დაზარალებულმა პაციენტებმა, რომლებსაც მომსახურება ამ დრომდე არ ჩატარებიათ, ექიმს უჩივლეს.
დაზარალებულები გამოძიების დაჩქარებას და თანხების უკან დაბრუნებას ითხოვენ, წინააღმდეგ შემთხვევაში მასშტაბური აქციებით იმუქრებიან.
მათივე მტკიცებით, ექიმს აჭარის უმაღლესი საბჭოს ჯანდაცვის აპარატის ხელმძღვამელი ლეილა ღოღობერიძე მფარველობს, რომელიც სტომატლოგიური კლინიკის დამფუძნებლის დაა.
