კასპის სოფელ ხვითში ხელოვნურ საფარიანი მოედნის ეწყობა

28-06-2024

კასპის მუნიციპალიტეტის მაღალმთიან სოფელ ხვითში ხელოვნურ საფარიანი მოედნის მოწყობა მიმდინარეობს.

სამუშაო პროცესს მუნიციპალიტეტის მერი ვახტანგ მაისურაძე საკრებულოს თავმჯდომარესთან შოთა ბეგლარაშვილთან და ადგილობრივი თვითმმართველობის წარმომადგენლებთან ერთად გაეცნო.

მოედანზე მოეწყობა ფეხბურთის კარი, კალათბურთის ფარები და გარეგანათება.

ხელოვნურსაფარიანი მოედნის მშენებლობას სოფლის ახალგაზრდების ინიციატივითა და მუნიციპალიტეტის დაფინანსებით შპს „მშენ+“ ახორციელებს.