სალომე ზურაბიშვილი ამომრჩევლებს ხვალ თბილისში შეხვდება

19-10-2018

საქართველოს პრეზიდენტობის დამოუკიდებელი კანდიდატი, სალომე ზურაბიშვილი ხვალ თბილისის მოსახლეობასთან შეხვედრებს გამართავს.

პრეზიდენტობის კანდიდატის პრესსამსახურის ინფორმაციით, ზურაბიშვილი 12:00 საათზე ამომრჩევლებს მთაწმინდაზე, ბესიკის ქუჩის მიმდებარე სკვერში, 13:30 საათზე კრწანისში, ჟანი კალანდაძის სკვერში, 15:00 საათზე ვაკეში, გეგეშიძის ბაღში, 16:30 საათზე საბურთალოზე, ბუკიას ბაღში, ხოლო 18:00 საათზე დიდუბეში, მუშტაიდის ბაღში შეხვდება.

ხვალვე, 20:00 საათზე, სალომე ზურაბიშვილი სამედიცინო სფეროს წარმომადგენლებს შეხვდება. შეხვედრა სასტუმრო „რედისონში“ გაიმართება.