კასპის სოფელ თვალადში შიდა საუბნო გზა არმირებული ბეტონის საფარით ეწყობა

23-08-2024

კავთისხევის ადმინისტრაციული ერთეულის სოფელ თვალადში შიდა საუბნო გზის არმირებული ბეტონის საფარით მოწყობა მიმდინარეობს.

პროექტი „სოფლის მხარდაჭერის პროგრამის“ და ადგილობრივი ბიუჯეტის თანადაფინანსებით ხორციელდება. პროექტს შპს „საქართველოს ჯგუფი“ ახორციელებს.

2024 წელს კასპის მუნიციპალიტეტს, აღნიშნული პროგრამისთვის რეგიონებში განსახორციელებელი პროექტების ფონდიდან   950 000 ლარი გამოეყო.