„ძალიან დიდი ხნით ადრე იყო დაგეგმილი ის პოლიტიკურ-სოციალური შედეგები, რაც საქართველოში ბოლო ორ წელიწადში დავინახეთ, თუმცა, ერთი მომენტი ვერ გათვალეს და გაითვალისწინეს ამ „დიფ სთეითის“ შემოქმედებმა და იმ სტრატეგიის ავტორებმა, რომელმა სტრატეგიამაც ბევრ ქვეყანაში იმუშავა - ეს არის ქართველი ხალხის ბუნება და კულტურულ-ეთნიკური თავისებურება“, - ამის შესახებ მედიასთან დეპუტატმა ეკა სეფაშვილმა განაცხადა.

მისი თქმით, ქართველ ერს საუკუნეების განმავლობაში ძალიან ბევრ დამპყრობელთან მოუწია ურთიერთობა და სწორედ ამიტომ მის გენეტიკაშია თავის გადარჩენა.

„დიფ სთეითის“ შემოქმედებმა ვერ გათვალეს ის, რომ საუკუნეების განმავლობაში ძალიან ბევრ დამპყრობელთან მოგვიწვია ურთიერთობა. წარმოიდგინეთ, მთელი ამ 3000 წლის განმავლობაში ათასგვარ დამპყრობელს გაუვლია ჩვენს ტერიტორიაზე და მაინც მოვახერხეთ ჩვენი კულტურული იდენტობის შენარჩუნება. ყველანაირი დამპყრობელი ცდილობდა თავისი კულტურის, იდენტობის თავზე მოხვევას და თავისი პოლიტიკის გატარებას, მაგრამ, ქართველებს თვითგადარჩენის ინსტინქტი გენეტიკაში გვიზის“, - აღნიშნა ეკა სეფაშვილმა.