სამართლიანად ჩატარდა თუ არა არჩევნები
გორის საკრებულოს ყოფილი თავმჯდომარე სალომე ზურაბიშვილის მხარდამჭერებს შეუერთდა
14-11-2018
ქალაქ გორის საკრებულოს ყოფილი თავმჯდომარე პაპუნა კობერიძე შეუერთდა სალომე ზურაბიშვილის საარჩევნო შტაბს. ამის შესახებ პაპუნა კობერიძემ შიდა ქართლის საინფორმაციო ცენტრს განუცხადა.
მისი თქმით, იმ დროს, როდესაც ხელისუფლებაში ნაციონალურ მოძრაობას დაბრუნების შანსი მიეცა, სახლში ვერ დარჩება:
,,თქვენ კარგად იცით ჩემი დამოკიდებულება ქვეყანაში მიმდინარე პროცესებისადმი, მაგრამ დღეს მიმაჩნია, რომ მხარი უნდა დავუჭიროთ სალომე ზურაბიშვილს. როცა ასეთი არჩევანის წინაშე ხარ, რა თქმა უნდა, ასეთი გადაწყვეტილება უნდა მიიღო" - განაცხადა პაპუნა კობერიძემ.
პაპუნა კობერიძე ,,ეროვნული ფორუმის" გორის ორგანიზაციის ერთ-ერთი ლიდერია. ის 2017 წლის თვითმმართველობის არჩევნებზე ,,შენების მოძრაობიდან" იყრიდა კენჭს. საკრებულოში ამ პარტიიდან მხოლოდ ერთი წევრი, ტელეკომპანია ,,თრიალეთის" მფლობელი ბადრი ნანეტაშვილი მოხვდა. პაპუნა კობერიძე სიის მეორე ნომერი იყო. ,,შენების მოძრაობის" წევრების ცნობით, კონსულტაციები იმის თაობაზე, რომ ბადრი ნანეტაშვილს ადგილი დაეთმო პაპუნა კობერიძისთვის, უშედეგოდ დასრულდა.
