Independent-ექვსი საუკეთესო რამ, რაც შეგიძლიათ გააკეთოთ საქართველოს დედაქალაქში

2-05-2025

ბრიტანული გამოცემა Independent საქართველოს ტურისტული პოტენციალის შესახებ სტატიას ავრცელებს. Independent-ის ჟურნალისტმა შონ მოლტონმა საქართველოში ტურიზმის ეროვნული ადმინისტრაციის პრესტურის ფარგლებში იმოგზაურა. შონ მოლტონი გამოცემის მკითხველს ლონდონიდან ახალი პირდაპირი რეისების შესახებ მოუთხრობს, რომელიც თბილისის მიმართულებით სრულდება და აცნობს თუ რა დახვდებათ საქართველოს დედაქალაქში ჩასულ მოგზაურებს.

„ევროპისა და აზიის გზაჯვარედინზე მდებარე პატარა ქვეყანა საქართველო მსოფლიოში უძველესი ღვინის სამშობლოა. საქართველო გამორჩეულია მდიდარი ბუნებით, შავი ზღვის სანაპიროებითა და კავკასიონის მთებით. მე-5 საუკუნეში დაარსებული თბილისი მრავალფეროვანი არქიტექტურით ცნობილია, სადაც ასახულია მისი მღელვარე ისტორია, ეს მოიცავს შუა საუკუნეების, ნეოკლასიკურ და საბჭოთა ეპოქებს. თუ აპირებთ თბილისის მონახულებას შეგიძლიათ გაეცნოთ ჩემს შერჩეულ ღირსშესანიშნაობებს“-წერს შონ მოლტონი და სტატიის მკითხველს აცნობს: მდებარე ბაზარს, თბილისის ხელოვნების მუზეუმს, ზურაბ წერეთლის მონუმენტს საქართველოს მატიანეს, რეზო გაბრიაძის მარიონეტის თეატრსა და საათის კოშკს, ჭრელ აბანოს და ქართულ სამზარეულოს. 

„ამ  გაზაფხულს ორმა ავიაკომპანიამ ლონდონი კავკასიის გულთან, თბილისთან დააკავშირა.  British Airways კვირაში ოთხ რეისს ასრულებს ჰითროუს აეროპორტიდან, ხოლო easyJet კვირაში ორჯერ დაფრინავს ლუტონის აეროპორტიდან“-წერს Independent-ის ჟურნალისტი.