სამართლიანად ჩატარდა თუ არა არჩევნები
კასპის სოფელ ზემო ხანდაკში სოფელ ახალქალაქის მიმართულებით გზის მოწყობა სრულდება
23-06-2025
კასპის მუნიციპალიტეტის მერმა ვახტანგ მაისურაძემ, მერის პირველ მოადგილესთან დავით ქისიშვილთან და ადგილობრივი თვითმმართველობის წარმომადგენლებთან ერთად სოფელ ზემო ხანდაკში სოფელ ახალქალაქის მიმართულებით გზის მოწყობის დასრულებული სამუშაო დაათვალიერა.
788 გრძივ მეტრ გზაზე, რომელზეც ასფალტის საფარი არასდროს ყოფილა - მოეწყო სანიაღვრეები, ეზოში შესასვლელები და დაიგო ორფენიანი ასფალტ/ბეტონის საფარი.
პროექტის სახელშეკრულებო ღირებულება 527 000 ლარია, სამუშაო კი შპს „ცეკურმა“ შეასრულა.
პროექტი რეგიონში განსახორციელებელი პროექტების ფონდისა და კასპის მუნიციპალიტეტის ადგილობრივი ბიუჯეტის თანადაფინანსებით განხორციელდა.
რეაბილიტირებულმა გზამ, სოფელ ზემო ხანდაკის მოსახლეობას გადაადგილებისას არსებული პრობლემა მოუგვარა. მუნიციპალიტეტის მასშტაბით კვლავ ვაგრძელებთ საგზაო ინფრასტრუქტურულ პროექტებს, ყველა მიმდინარე პროექტს კი განსაზღვრულ ვადებში დავასრულებთ - აღნიშნა ვახტანგ მაისურაძემ.
