სამართლიანად ჩატარდა თუ არა არჩევნები
კასპში, ვარჯაანის დასახლებაში ხელოვნურ საფარიანი სპორტული მოედნის სარეაბილიტაციო სამუშაოები მიმდინარეობს
7-07-2025
კასპის მუნიციპალიტეტის მერი ვახტანგ მაისურაძე მერის პირველ მოადგილესთან დავით ქისიშვილთან და მოადგილესთან ზურაბ კოპაძესთან ერთად კასპში, ვარჯაანის დასახლებაში ხელოვნურ საფარიანი სპორტული მოედნის სარეაბილიტაციო სამუშაოს გაეცნო.
სპორტულ მოედანზე დემონტაჟის სამუშაოების შემდეგ მოედნის აღდგენითი სამუშაო დაიწყო, სადაც ამჟამად არმირებული ბეტონის საფარის მოწყობა მიმდინარეობს.
პროექტი ითვალისწინებს ხელოვნური მწვანე ბალახის საფარის, კალათბურთის ფარების, ფეხბურთის კარების და ბადეების განახლებას.
სპორტული მოედნის მიმდებარედ, სადაც გასულ წელს გარე მოხმარების ფიტნეს ტრენაჟორბი მოეწყო ბავშვთა გასართობი სივრცის მშენებლობაცაა გათვალისწინებული. პროექტის დასრულების შემდეგ ადგილობრივები და ბავშვები ერთ სივრცეში განთავსებული სპორტული ინფრასტრუქტურითა და გასართობი საშუალებებით ისარგებლებენ” - აღნიშნა ვახტანგ მაისურაძემ.
