სამართლიანად ჩატარდა თუ არა არჩევნები
ჯეი დი ვენსი: როდესაც ბაიდენი თანამდებობაზე იყო, ზელენსკი ვაშინგტონში ჩამოდიოდა და მილიარდობით დოლარით ბრუნდებოდა უკან
28-08-2025
აშშ-ის ვიცე-პრეზიდენტის, ჯეი დი ვენსის განცხადებით, უკრაინის მხარისა და ჯო ბაიდენის ადმინისტრაციის ურთიერთობაში მის შეშფოთებას ყველაზე მეტად ყოველთვის არა იმდენად უკრაინელები, არამედ ამერიკული მხარე, განსაკუთრებით ჯო ბაიდენის დემოკრატიული ადმინისტრაცია იწვევდა.
ვენსის თქმით, როდესაც ბაიდენი თანამდებობაზე იყო, ზელენსკი ვაშინგტონში ჩამოდიოდა და მილიარდობით დოლარით ბრუნდებოდა უკან: "რაიმე რეალური მიზნის, რეალური დიპლომატიის, რეალური გაგების გარეშე, თუ რის ყიდვას ვაპირებდით ამ 100 მილიარდი დოლარით" - თქვა ვენსმა.
ჯეი დი ვენსის თქმით, ის უფრო აღიზიანებდა, რომ ბაიდენის ადმინისტრაციას ომის დასრულების გეგმა არ ჰქონდა, ვიდრე ის, რომ ზელენსკი ვაშინგტონს სთხოვდა დახმარებას.
"უკრაინა უცნაურ ფულის ორმოს ჰგავდა, სადაც ბაიდენის ადმინისტრაცია ფულს ყრიდა პრობლემის გადაჭრის რეალური გეგმის გარეშე", - განუცხადა USA Today-ს აშშ-ის ვიცე-პრეზიდენტმა ვენსმა.
