სამართლიანად ჩატარდა თუ არა არჩევნები
სალომე ზურაბიშვილი: ჩვენი ვალია, რომ ბუტა რობაქიძის ხსოვნა არ დავივიწყოთ
23-11-2018
„ჩვენი საზოგადოების ვალია, რომ არ დავივიწყოთ ბუტა რობაქიძის ხსოვნა, არ დავივიწყოთ, რა იყო იმ წლებში, როდესაც ადამიანები, ოჯახი, ახალგაზრდები რეჟიმმა გაანადგურა,“ – ამის შესახებ დამოუკიდებელმა საპრეზიდენტო კანდიდატმა, სალომე ზურაბიშვილმა ბუტა რობაქიძის მკვლელობის ადგილზე მემორიალის გახსნაზე განაცხადა.
„მინდა სრულიად საქართველოს გიორგობა მივულოცო. ეს არის სიმბოლო იმისა, როცა ბოროტსა სძლია კეთილმა. ჩვენი საზოგადოების ვალია, რომ არ დავივიწყოთ ბუტა რობაქიძის ხსოვნა, არ დავივიწყოთ რა იყო იმ წლებში, როდესაც ადამიანები, ოჯახი, ახალგაზრდები რეჟიმმა გაანადგურა. ეს არის ის, რაც ამ ქვეყანაში აღარ უნდა მოხდეს. ჩვენ გვინდა, ახალი საქართველო. გუშინ იყო სიმბოლური დღე, ფოტოგრაფების საქმე დასრულდა სამართლიანად და კიდევ ბევრი ადამიანი ელოდება სამართლიანობის აღდგენას. ჩვენ ყველანი თავის დროზე ამისთვის ვიბრძოდით, სამწუხაროდ, ეს ბრძოლა არ დასრულებულა”, – განაცხადა სალომე ზურაბიშვილმა.
