სამართლიანად ჩატარდა თუ არა არჩევნები
პრემიერი: ვიდრე ბოლნისის მერობის კანდიდატი დატოვებდა „ლელოს", მანამდე მთელი ხელმძღვანელობა გავიდა პარტიიდან, ეს აბსოლუტურად ლოგიკური მდგომარეობაა
24-09-2025
ვიდრე ბოლნისის მერობის კანდიდატი დატოვებდა „ლელოს", მანამდე მთელი ხელმძღვანელობა გავიდა პარტიიდან, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
მთავრობის მეთაურისა შეფასებით, ეს არის აბსოლუტურად ლოგიკური მდგომარეობა, სადამდეც ამ პარტიამ და ზოგადად, ოპოზიციურმა რადიკალურმა პარტიებმა მიიყვანეს საკუთარი თავი.
„ვიდრე ბოლნისის მერობის კანდიდატი დატოვებდა „ლელოს", მანამდე მთელი „ლიდერშიპი", თუ შეიძლება „ლიდერშიპი" ჰყავდეს „ლელოს", არ ვიცი, მთელი ხელმძღვანელობა გავიდა პარტიიდან. საბა ბუაძეც სუს-ს გაუყვანია „ლელოდან" და კიდევ არაერთი სხვა ლიდერი იყო. რა თქმა უნდა, ხედავენ, რომ პარტია ეშლებათ, ვიღაცას უნდა გადააბრალონ და ამ შემთხვევაში აირჩიეს სუს-ი. ყველა ხედავს, რომ პარტია ეშლებათ, ხელმძღვანელი თანამდებობის პირებიც ტოვებენ პარტიას, იქ რეგიონული კანდიდატები ტოვებენ. ეს არის აბსოლუტურად ლოგიკური მდგომარეობა, სადამდეც ამ პარტიამ და ზოგადად, ოპოზიციურმა რადიკალურმა პარტიებმა მიიყვანეს საკუთარი თავი", - განაცხადა პრემიერმა.
