სამართლიანად ჩატარდა თუ არა არჩევნები
გარემოსდაცვითი ზედამხედველობის დეპარტამენტმა პანკისში უკანონო სახერხი საამქრო გამოავლინა
10-12-2025
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის კახეთის რეგიონული სამმართველოს თანამშრომლებმა პანკისის ხეობაში არარეგისტრირებული სახერხი საამქრო გამოავლინეს.
სამართალდამრღვევს ლენტური ტიპის სახერხი დანადგარი ახმეტის მუნიციპალიტეტის სოფელ ომალოში ჰქონდა უკანონოდ დამონტაჟებული. მიმდებარედ, მოქალაქის საცხოვრებელი სახლის ეზოდან, ამოღებულია წიფლის სახეობის 6 კუბური მეტრი მოცულობის პირველადი გადამუშავების პროდუქტი (ფიცარი).
ვინაიდან ფაქტი შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებაში გადაიგზავნა.
უკანონო ტყითსარგებლობის წინააღმდეგ ბროლა დეპარტამენტისთვის პრიორიტეტია. 2025 წლის 11 თვეში, ქვეყნის მასშტაბით 57 უკანონო სახერხი საამქროა გამოვლენილი.
დეპარტამენტის ეკიპაჟები ქვეყნის მასშტაბით 24 საათის განმავლობაში პატრულირებენ, რათა დროულად მოხდეს ტყით უკანონო სარგებლობისა და სხვა გარემოსდაცვითი სამართალდარღვევების აღკვეთა, გამოვლენა და პრევენცია. მყისიერი რეაგირება ხდება სამინისტროს ცხელ ხაზზე (153) შემოსულ თითოეულ შეტყობინებაზე.
