სამართლიანად ჩატარდა თუ არა არჩევნები
მარიამ ქვრივიშვილმა დონორი ორგანიზაციების წარმომადგენლებს სატრანსპორტო ლოგისტიკურ სექტორში მიმდინარე და დაგეგმილი პროექტები გააცნო
17-12-2025
ეკონომიკისა და მდგრადი განვითარების მინისტრი მარიამ ქვრივიშვილი, ფინანსთა მინისტრ ლაშა ხუციშვილთან ერთად, მსოფლიო ბანკის რეგიონულ დირექტორს სამხრეთ კავკასიაში როლანდ პრაისსა და აზიის განვითარების ბანკის წარმომადგენლობის დირექტორის მოადგილეს საქართველოში ანდერს პეტერსონს შეხვდა.
როგორც შეხვედრაზე აღინიშნა, ქვეყანაში სატრანსპორტო - ლოგისტიკურ ინფრასტრუქტურის განვითარება და შუა დერეფნის კონკურენტუნარიანობის ამაღლება საქართველოს მთავრობის პრიორიტეტია. ამდენად, ისეთი პროექტების მშენებლობას, როგორიცაა ანაკლიის ღრმაწყლოვანი ნავსადგური, განსაკუთრებული მნიშვნელობა ენიჭება.
შეხვედრაზე წარმოდგენილი იყო მთავრობის ხედვა ანაკლიის ნავსადგურის, მიმდებარე ტერიტორიისა და პორტთან მისასვლელი სარკინიგზო და საგზაო ინფრასტრუქტურის განვითარების შესახებ. ასევე საუბარი წარიმართა საქართველოს რკინიგზის მიერ სავაგონე და სალოკომოტივო შემადგენლობის განახლებაზე.
შეხვედრას ასევე დაესწრნენ ეკონომიკისა და მდგრადი განვითარების მინისტრის მოადგილე თამარ იოსელიანი, ფინანსთა მინისტრის პირველი მოადგილე გიორგი კაკაურიძე და მოადგილე ეკა გუნცაძე, ანაკლიის საზღვაო ნავსადგურის დირექტორი ზურაბ სიჭინავა და საქართველოს რკინიგზის ფინანსური დირექტორი ირაკლი ტიტვინიძე.
