სამართლიანად ჩატარდა თუ არა არჩევნები
პროკურატურის მიერ ორგანიზებული ანტინარკოტიკული კამპანიის ფარგლებში რუსთავის N18 საჯარო სკოლაში მოსწავლეებთან საინფორმაციო შეხვედრა გაიმართა
25-12-2025
საქართველოს პროკურატურის მიერ ორგანიზებული ანტინარკოტიკული კამპანიის ფარგლებში, ქვემო ქართლის საოლქო და რუსთავის რაიონული პროკურატურის პროკურორმა ლელა ჭეშმარიტაშვილმა რუსთავის N18 საჯარო სკოლაში მოსწავლეებთან საინფორმაციო შეხვედრა გამართა.
საინფორმაციო შეხვედრის ფარგლებში პროკურორმა მოსწავლეებს ნარკოტიკული საშუალებების მოხმარების გამომწვევ მიზეზებზე მიაწოდა ინფორმაცია და ნარკოტიკული ნივთიერების მოხმარებით გამოწვეულ მძიმე შედეგებზე გაამახვილა ყურადღება.
შეხვედრის ფარგლებში ხაზი გაესვა ნარკოტიკული დანაშაულის არსს და იმ სამართლებრივ პასუხისმგებლობასა და სასჯელებს, რომლებიც ამ ტიპის დანაშაულზეა გათვალისწინებული.
შეხვედრა ინტერაქციულ რეჟიმში წარიმართა. შეხვედრის მონაწილეებმა საკუთარი მოსაზრებები გამოთქვეს და ხაზი გაუსვეს მსგავსი საინფორმაციო კამპანიების მნიშვნელობას. მოსწავლეებს პროკურორმა მათთვის საინტერესო შეკითხვებზე ამომწურავი პასუხები გასცა.
